Class 6 | Chapter-7 বতৰ আৰু জলবায়ু (Weather and Climate) | Questions & Answers | Assam SCERT Book 2026-17
1. অতি চমুকৈ উত্তৰ দিয়া —
(a) বতৰ কাক বোলে?
Answer: কোনো এখন নিৰ্দিষ্ট ঠাইৰ কোনো এটা নিৰ্দিষ্ট সময়ত বায়ুমণ্ডলে সৃষ্টি কৰা অৱস্থাটোক বতৰ (Weather) বোলে।
(b) জলবায়ু কাক বোলে?
Answer: কোনো এখন ঠাইৰ প্ৰায় 25-30 বছৰৰ বতৰৰ গড় অৱস্থাক জলবায়ু (Climate) বোলে।
(c) বতৰৰ তিনিটা কাৰকৰ নাম লিখা।
Answer: বতৰৰ তিনিটা কাৰক হ'ল — উষ্ণতা, আৰ্দ্ৰতা, আৰু বৰষুণৰ পৰিমাণ।
(d) জলবায়ুৰ ভিত্তিত অসমত বছৰটোক কেইটা ঋতুত ভাগ কৰিব পাৰি আৰু সেইকেইটা কি কি?
Answer: জলবায়ুৰ ভিত্তিত অসমত বছৰটোক চাৰিটা ঋতুত ভাগ কৰিব পাৰি। সেইকেইটা হ'ল — গ্ৰীষ্ম, বৰ্ষা, শৰৎ আৰু শীত।
2. বতৰ আৰু জলবায়ুৰ পাৰ্থক্য লিখা।
Answer:
| বতৰ | জলবায়ু |
|---|---|
| (i) কোনো এখন নিৰ্দিষ্ট ঠাইৰ কোনো এটা নিৰ্দিষ্ট সময়ত বায়ুমণ্ডলে সৃষ্টি কৰা অৱস্থাটোক বতৰ বোলে। | (i) কোনো এখন ঠাইৰ প্ৰায় 25-30 বছৰৰ বতৰৰ গড় অৱস্থাক জলবায়ু বোলে। |
| (ii) বতৰ সঘনে সলনি হয়। দিনটোৰ ভিতৰতে ৰ'দ, বৰষুণ বা বতাহ হ'ব পাৰে। | (ii) জলবায়ু সঘনে সলনি নহয়। জলবায়ু সলনি হ'বলৈ বহু বছৰ লাগে। |
| (iii) বতৰে এখন নিৰ্দিষ্ট ঠাই সামৰি লয়। যেনে — এখন চহৰ বা গাঁও। | (iii) জলবায়ু এখন ডাঙৰ ভৌগোলিক অঞ্চল সামৰি লয়। যেনে — এখন ৰাজ্য বা গোটেই দেশখন। |
3. শুদ্ধ উত্তৰৰ গোলটো সম্পূৰ্ণকৈ পূৰ কৰা।
(i) পৃথিৱীৰ নাতিশীতোষ্ণ অঞ্চল ক'ত অৱস্থিত?
(a) উত্তৰ মেৰু
(b) দক্ষিণ মেৰু
(c) বিষুৱীয়
(d) বিষুৱীয় অঞ্চলৰ ক্ৰমে উত্তৰ আৰু দক্ষিণ
Answer: (d) বিষুৱীয় অঞ্চলৰ ক্ৰমে উত্তৰ আৰু দক্ষিণ
(ii) কোনবিধ খাৰিফ শস্য?
(a) ধান
(b) সৰিয়হ
(c) আলু
(d) ঘেঁহু
Answer: (a) ধান
4. খালী ঠাই পূৰ কৰাঃ
(a) কোনো এটা অঞ্চলৰ দীৰ্ঘসময়ৰ বতৰৰ গড় অৱস্থাক সেই অঞ্চলৰ ______ বোলে।
(b) ______ মৌচুমী বতাহৰ বাবে বৰ্ষাকালত অসমত প্ৰচুৰ পৰিমাণে বৰষুণ হয়।
Answer:
(a) কোনো এটা অঞ্চলৰ দীৰ্ঘসময়ৰ বতৰৰ গড় অৱস্থাক সেই অঞ্চলৰ জলবায়ু বোলে।
(b) দক্ষিণ-পশ্চিম মৌচুমী বতাহৰ বাবে বৰ্ষাকালত অসমত প্ৰচুৰ পৰিমাণে বৰষুণ হয়।
